Historik i shkurter i aktiviteteve te SHKSH „Dardania“

Duke e pare nevojen per nje organizim me te mire te bashkatdhetareve ne mergim,qe me se e nevojshme themelimi i shoqates Dardania,permes se ciles organizuam manifestime te suksesshme kulturore,sportive e kombetare.Kesaj i parapriu berthama e pare qe ishte mjaft e ngushtuar dhe e cenzuruar nga ish klubi “Jugosllavia”,te cilet kerkonin qe permbajtja e programeve te perkthehej,me qellim te kuptonin se cfare cfaqej.
Duke pare rrjedhat qe zhvilloheshin,qe nga janari i vitit 1991 u be realitet shkeputja dhe pavaresimi i plote i aktiviteteve gjitheshqiptare.Roli i shoqates Dardania eshte i ngjajshem me klubet e Rilindjes Kombetare,dhe gjate ketyre 15 viteve,puna e saj u tregua e suksesshme.
Permes rregullores identike me klubin slloven “Dr. Franc Preshern”,zbatoi me perpikeri aktivitetet qe parashiheshin per te miren e mergimtareve nga gjitha trevat etnike shqiptare.Mbi te gjitha rendesi i kushtoi brezit te ri dhe nxenesve te shkolles shqipe,te cilen e ndihmoi materialisht dhe moralisht.Mundesoi realizimin e programeve kulturore e sportive te karakterit arsimor e kombetar si;konkurset e diturise ne Hamburg,Dortmund,Rotweil,Düssel-dorf,Hagen,Osnabrück…etj,cfaqjet kushtuar Dites se Nenes,2 Korrikut,Dites se Flamurit,programeve para publikut gjerman dhe te tjere si;ne javen kulturore te femijeve te botes,diten e te huajve,qe mbahej nen patronatin e qytetit te Mannheimit,pastaj aktiviteteve rreth garave sportive ne nivel te Bad.Würtembergut; Singen,Villingen,Mannheim,organizoi shetitjet ditore per nxenes dhe te rinj shqiptare Europa Park dy here,Holiday Park dhe Tripsdrill.
Shoqata organizoi referendumin per Pavaresine e Kosoves,zgjedhjet e lira,aksionin kombetar “Gjithcka per Pavaresine e Kosoves”,kontriboi ne aktivitete humanitare permes shoqates “Nena Tereze”,ndihmoi shkollat shqipe ne Kosove,Univerzitetet ne Prishtine e Tetove,ndihmoi pa

kursyer ne fondin e Ahenit,te 3% per Qeverine ne egzil te Kosoves,si dhe ne fondin “Vendlindja therret”.Siguroi material te nevojshem ushqimor,sanitar,e vesh-mbathje,e pokeshtu edhe per vetmbrojtjen dhe clirimin e Kosoves.Organizoi pamje dinjitoze perkujtuese dhe ndihmoi ne percjelljen e kufomave per ne vendlindje.
Disa vite me radhe ekipi i futbollit perfaqesoi shoqaten me sukses ne nivel qarku te qytetit
Kryesia e shoqates me anetaret dhe dashamiret e saj mobilizoi popullaten shqiptare ne ngritjen e zerit kunder ushtrimit te dhunes se hegjemonise serbe ndaj cdo gjeje shqiptare si ne kulture,arsim,shendetesi dhe ekonomi.Cdo here iu bashkangjit protestave gjitheshqiptare
ndaj mbylljes se mjeteve te informimit,te shkollave,perjashtimit te punetoreve,burgosjes se kuadrove shqiptare dhe vrasjeve te te rinjve shqiptare ne ish APJ.Rreth kesaj senzibilizoi edhe
tek mjetet e informimit gjerman si RNF.
Gjate shume manifestimeve kulturore e kombetare,shoqata jone pati nderin te mirepres fytyra eminente te qeveritareve,publicisteve,historianeve dhe ushtarakeve si;prof.Dr.Zekeria Cana,
prof.Dr.Fehmi Agani,Astrit Leka,Shefqet Canhasi,Shaban Braha,Hamlet Bezhani.Ali Dhrima,Muje Rugova,te gjithe me tituj te larte shkencor,pastaj poetet e njohur si Azem Shkreli e Ali Podrimja,qeveritaret si Dr.Bujar Bukoshi, Pjeter Arbnori e Bujar Muharremi,komandantet e luftes se UCK si Fehmi Lladrovci e Tahir Zemaj,ushtaraket si Agim Mehmeti,Sylejman Kollcaku e Shpend Shala, si dhe shume fytyra tjera me rendesi te popullit tone.
Nga kjo shihet se merita te posaqme keni te gjithe ju si dhe kryesite e shoqates,te cilet ju ua dhate besimin.Kjo edhe po jap rezultate,sepse nga ai brez i ri sot kemi familjare e prinder te mire,kuadro si mjek,inxhinier,sociolog e gazetare.Andaj shpresojme se duke ju falenderuar
Juve te gjitheve,shoqata do te vazhdoj punen e saj te suksesshme edhe ne te ardhmen.

Të mbledhur në mbledhje të jashtëzakonshme më 17 shkurt 2008, në kryeqytetin e Kosovës, në Prishtinë,
Duke iu përgjigjur thirrjes së popullit për të ndërtuar një shoqëri që respekton dinjitetin njerëzor dhe afirmon krenarinë dhe synimet e qytetarëve të saj,
Të zotuar për t’u përballur më trashëgiminë e dhembshme të së kaluarës së afërt në frymë të pajtimit dhe faljes,
Të përkushtuar ndaj mbrojtjes, promovimit dhe respektimit të diversitetit të popullit tonë,
Duke riafirmuar dëshirën tonë për t’u integruar plotësisht në familjen euroatlantike të demokracive,
Duke vërejtur se Kosova është një rast special që del nga shpërbërja jokonsensuale e Jugosllavisë dhe nuk është presedan për cilëndo situatë tjetër,
Duke rikujtuar vitet e konfliktit dhe dhunës në Kosovë që shqetësuan ndërgjegjen e të gjithë popujve të civilizuar,
Mirënjohës që bota intervenoi më 1999 duke hequr në këtë mënyrë qeverisjen e Beogradit mbi Kosovën, dhe vendosur Kosovën nën administrimin e përkohshëm të Kombeve të Bashkuara,
Krenarë që Kosova që atëherë ka zhvilluar institucione funksionale, multietnike të demokracisë që shprehin lirisht vullnetin e qytetarëve tanë,
Duke rikujtuar vitet e negociatave të sponsorizuara ndërkombëtarisht ndërmjet Beogradit dhe Prishtinës mbi çështjen e statusit tonë të ardhshëm politik,
Duke shprehur keqardhje që nuk u arrit asnjë rezultat i pranueshëm për të dyja palët përkundër angazhimit të mirëfilltë të udhëheqësve tanë,
Duke konfirmuar se rekomandimet e të Dërguarit Special të Kombeve të Bashkuara, Martti Ahtisaari, i ofrojnë Kosovës një kornizë gjithëpërfshirëse për zhvillimin e saj të ardhshëm, dhe janë në vijë me standardet më të larta europiane për të drejtat të njeriut dhe qeverisjen e mirë,
Të vendosur që ta shohim statusin tonë të zgjidhur në mënyrë që t’i jipet popullit tonë qartësi mbi të ardhmen e vet, të shkohet përtej konflikteve të së kaluarës dhe të realizohet potenciali i plotë demokratik i shoqërisë sonë,
Duke nderuar të gjithë burrat dhe gratë që bënë sakrifica të mëdha për të ndërtuar një të ardhme më të mirë për Kosovën,
1. Ne, udhëheqësit e popullit tonë, të zgjedhur në mënyrë demokratike, nëpërmjet kësaj Deklarate shpallim Kosovën shtet të pavarur dhe sovran. Kjo shpallje pasqyron vullnetin e popullit tonë dhe është në pajtueshmëri të plotë me rekomandimet e të Dërguarit Special të Kombeve të Bashkuara, Martti Ahtisaari, dhe Propozimin e tij Gjithëpërfshirës për Zgjidhjen e Statusit të Kosovës.

2. Ne shpallim Kosovën një republikë demokratike, laike dhe multietnike, të udhëhequr nga parimet e jodiskriminimit dhe mbrojtes së barabartë sipas ligjit. Ne do të mbrojmë dhe promovojmë të drejtat e të gjitha komuniteteve në Kosovë dhe krijojmë kushtet e nevojshme për pjesëmarrjen e tyre efektive në proceset politike dhe vendimmarrëse.

3. Ne pranojmë plotësisht obligimet për Kosovën të përmbajtura në Planin e Ahtisarit, dhe mirëpresim kornizën që ai propozon për të udhëhequr Kosovën në vitet në vijim. Ne do të zbatojmë plotësisht ato obligime, përfshirë miratimin prioritar të legjislacionit të përfshirë në Aneksin XII të tij, veçanërisht atë që mbron dhe promovon të drejtat e komuniteteve dhe pjesëtarëve të tyre.

4. Ne do të miratojmë sa më shpejt që të jetë e mundshme një kushtetutë që mishëron zotimin tonë për të respektuar të drejtat e njeriut dhe liritë themelore të të gjithë qytetarëve tanë, posaçërisht ashtu siç definohen me Konventën Europiane për të Drejtat e Njeriut. Kushtetuta do të inkorporojë të gjitha parimet relevante të Planit të Ahtisaarit dhe do të miratohet nëpërmjet një procesi demokratik dhe të kujdesshëm.

5. Ne mirëpresim mbështetjen e vazhdueshme të bashkësisë ndërkombëtare për zhvillimin tonë demokratik nëpërmjet të pranive ndërkombëtare të themeluara në Kosovë në bazë të Rezolutës 1244 të Këshillit të Sigurimit të Kombeve të Bashkuara (1999). Ne ftojmë dhe mirëpresim një prani ndërkombëtare civile për të mbikëqyrur zbatimin e Planit të Ahtisaarit dhe një mision të sundimit të ligjit të udhëhequr nga Bashkimi Europian. Ne, po ashtu, ftojmë dhe mirëpresim NATO-n që të mbajë rolin udhëheqës në praninë ndërkombëtare ushtarake dhe të zbatojë përgjegjësitë që i janë dhënë sipas Rezolutës 1244 të Këshillit të Sigurimit të Kombeve të Bashkuara (1999) dhe Planit të Ahtisaarit, deri në atë kohë kur institucionet e Kosovës do të jenë në gjendje të marrin këto përgjegjësi. Ne do të bashkëpunojmë plotësisht më këto prani në Kosovë për të siguruar paqen, prosperitetin dhe stabilitetin në të ardhmen në Kosovë.

6. Për arsye të kulturës, gjeografisë dhe historisë, ne besojmë se e ardhmja jonë është në familjen europiane. Për këtë arsye, ne shpallim synimin tonë për të marrë të gjitha hapat e nevojshëm për të siguruar anëtarësim të plotë në Bashkimin Europian sapo që të jetë e mundshme dhe për të zbatuar reformat e kërkuara për integrim europian dhe euroatlantik.

7. Ne i shprehim mirënjohje Organizatës së Kombeve të Bashkuara për punën që ka bërë për të na ndihmuar në rimëkëmbjen dhe rindërtimin pas lufte dhe ndërtimin e institucioneve të demokracisë. Ne jemi të përkushtuar të punojmë në mënyrë konstruktive me Organizatën e Kombeve të Bashkuara gjersa ajo vazhdon punën e saj në periudhën në vijim.

8. Me pavarësinë vie detyra e anëtarësisë së përgjegjshme në bashkësinë ndërkombëtare. Ne e pranojmë plotësisht këtë detyrë dhe do t’i përmbahemi parimeve të Kartës së Kombeve të Bashkuara, Aktin Final të Helsinkit, akteve tjera të Organizatës për Siguri dhe Bashkëpunim në Europë, obligimeve ligjore ndërkombëtare dhe parimeve të marrëdhënieve të mira ndërkombëtare që shënojnë marrëdhëniet ndërmjet shteteve. Kosova do të ketë kufijtë e saj ndërkombëtarë ashtu siç janë paraparë në Aneksin VIII të Planit të Ahtisaarit, dhe do të respektojë plotësisht sovranitetin dhe integritetin territorial të të gjithë fqinjve tanë. Kosova, po ashtu, do të përmbahet nga kërcënimi apo përdorimi i forcës në cilëndo mënyrë që është jokonsistente me qëllimet e Kombeve të Bashkuara.

9. Ne, nëpërmjet kësaj Deklarate, marrim obligimet ndërkombëtare të Kosovës, përfshirë ato të arritura në emrin tonë nga Misioni i Administratës së Përkohshme të Kombeve të Bashkuara në Kosovë (UNMIK), si dhe obligimet e traktateve dhe obligimet tjera të ish-Republikës Socialiste Federative të Jugosllavisë ndaj të cilave obligohemi si ish-pjesë konstituive, përfshirë konventat e Vjenës për marrëdhëniet diplomatike dhe konsullore. Ne do të bashkëpunojmë plotësisht me Tribunalin Penal Ndërkombëtar për ish-Jugosllavinë. Ne synojmë të kërkojmë anëtarësim në organizatat ndërkombëtare, në të cilat Kosova do të synojë të kontribuojë për qëllime të paqes dhe stabilitetit ndërkombëtar.

10. Kosova shpall zotimin e saj ndaj paqes dhe stabilitetit në rajonin tonë të Europës Juglindore. Pavarësia jonë e sjell në fund procesin e shpërbërjes së dhunshme të Jugosllavisë. Gjersa ky proces ka qenë i dhembshëm, ne do të punojmë pa pushim për t’i kontribuar një pajtimi që do të lejonte Europën Juglindore të shkojë përtej konflikteve të së kaluarës dhe të farkojë lidhje të reja rajonale të bashkëpunimit. Për këtë arsye, do të punojmë së bashku me fqinjtë tanë për të avansuar të ardhmen tonë të përbashkët europiane.

11. Ne shprehim, në veçanti, dëshirën tonë për të vendosur marrëdhënie të mira me të gjithë fqinjtë tanë, përfshirë Republikën e Serbisë, me të cilën kemi marrëdhënie historike, tregtare dhe shoqërore, të cilat synojmë t’i zhvillojmë më tej në të ardhmen e afërt. Ne do të vazhdojmë përpjekjet tona për t’i kontribuar marrëdhënieve të fqinjësisë dhe bashkëpunimit me Republikën e Serbisë duke promovuar pajtimin ndërmjet popujve tanë.

12. Ne, nëpërmjet kësaj, afirmojmë në mënyrë të qartë, specifike dhe të parevokueshme se Kosova do të jetë ligjërisht e obliguar të plotësojë dispozitatat e përmbajtura në këtë Deklaratë, përshirë këtu veçanërisht obligimet e saj nga Plani i Ahtisaarit. Në të gjitha këto çështje, ne do të veprojmë në pajtueshmëri në parimet e së drejtës ndërkombëtare dhe rezolutat e Këshillit të Sigurimit të Kombeve të Bashkuara, përfshirë Rezolutën 1244 (1999). Ne shpallim publikisht se të gjitha shtetet kanë të drejtën të mbështeten në këtë Deklaratë, dhe i bëjmë apel të na ofrojnë përkrahjen dhe mbështetjen e tyre.